पोखरा ।
पोखरा १७ महतगौंडामा रहेको सिद्धबाबा मन्दिर परिसरमा शनिबार वृक्षरोपण गरिएको छ । लायन्स क्लब अफ पोखरा स्टकको आयोजनामा मन्दिर परिसरमा विभिन्न जातका फल र फूलका विरुवा रोपिएको हो ।

कार्यक्रममा रिजन चियर पर्सन कमल बस्नेतले वातावरण जोगाउनका लागि लायन्स क्लबले नेपालमा आग्रणी भूमिका निर्वाह गर्दै आएको बताए । सदशिवजी सिद्धेश्वर हरिहर मन्दिरका अध्यक्ष नगेन्द्र शर्मा भण्डारीले लायन्स क्लबले वातावरण संरक्षणसहित सामाजिक काम गर्दै आएको बताए । उनले अहिले लायन्स क्लबहरुले दुःखमा पनि लायन्स र सुखमा पनि लायन्स भन्ने अनुभूति दिलाइरहेको जनाए ।

क्लब अध्यक्ष वासुदेव पराजुलीको अध्यक्षतामा भएको कार्यक्रममा कार्यक्रम संयोजक जगन्नाथ तिमिल्सिना, सिद्धेश्वर कृषि सहकारीका अध्यक्ष शंकरराज भण्डारी लगायतले बोलेका थिए ।