पोखरा ।
नेपाल खेलकुद पत्रकार मञ्च गण्डकीले खेल पत्रकारलाई समस्या पर्दा सहयोग गर्ने हेतुले अक्षयकोष स्थापना गर्ने भएको छ । मञ्च अध्यक्ष दीननाथ बरालले आफ्नो जन्मदिनमा यसको सुरुवात गरेंको महासचिव राजाराम पौडेलले बताए ।

अध्यक्ष बरालले बुवा टेकनाथ बरालको नामबाट १० हजार रुपैयाँ मञ्चको अक्षयकोषलाई दिएका छन् । उनले आफ्नो कार्यकालमा अक्षयकोषमा १० लाख पुर्‍याउने घोषणा गरे । अक्षकोषको लागि प्रदान गरिएको चेक मञ्चका उपाध्यक्ष सुरज श्रेष्ठ, महासचिव राजाराम पौडेल, सचिव शशिकुमार पौडेलले ग्रहण गरे ।

अक्षयकोषबाट प्राप्त ब्याजले खेल क्षेत्रमा कलम चलाइरहेका पत्रकारलाई अप्ठ्यारो पर्दा सहयोग गर्ने लक्ष्य छ ।