पोखरा ।
इनरव्हील क्लव अफ न्यूरोड पोखराले पोखरा महानगरपालिका २३ मा रहेका तपोवन आश्रमलाई सहयोग गरेको छ । सोमबार क्लबले आश्रममा खाद्यान्न, स्वास्थ्य सामाग्री तथा नगद हस्तान्तरण गरेको हो ।

क्लबका अध्यक्ष नारायणी बास्तोलाले क्लबको अध्यक्ष पदमा निर्वाचित भएपछि आफ्नो कार्यकालको सुरुवात धार्मिक स्थलबाट सुरु गर्न चाहेकाले आश्रममा सहयोग गरेको बताइन् । ‘आश्रम ओझेलमा रहेछ, हाम्रो सानो सहयोग ले थोरै भएपनि उहाँहरुलाई फाइदा पुग्नेछ भन्ने विश्वास छ’, उनले भनिन् । आश्रममा संस्कृत अध्ययन हुन्छ । त्यहाँ नेपालका विभिन्न स्थानबाट आएका १६ जना बटुक छन् ।

कार्यक्रमको अध्यक्षमा नारायणी बास्तोला थिइन्, कार्यक्रमको संयोजन क्लबका संस्थापक अध्यक्ष निर्मला मल्ल जोशीले गरेकी थिइन् । कार्यक्रमको प्रमुख अतिथिको रुपमा आश्रमका व्यवस्थापक पञ्चरत्न उपाध्याय अधिकारी थिए । गंगाकुमारी पराजुलीले स्वागत मन्तव्य राखेको कार्यक्रमको संञ्चालन बिमला पिया श्रेष्ठले गरेकी थिइन् । कार्यक्रममा १२ जनाको उपस्थिति थियो ।