पोखरा ।
पोखरामा शनिबार एक दिने सेयर बजारसम्बन्धी तालिम भएको छ । लेखनाथ जेसिसको आयोजनामा भएको तालिमा सेयर बजारका अग्रज सुवासचन्द्र भट्टराईले सहजीकरण गरे ।

तालिममा ९० जना सहभागी भएको आयोजक लेखनाथ जेसिस अध्यक्ष सुजन न्यौपानेले जानकारी दिए । सेयर बजार घटिरहेको अवस्थामा लगानीकर्तामा निराशा छाएका बेला भएको तालिमले लाभान्वित भएको सहभागी राजन कुमालले बताए ।

अर्की सहभागि सबिता बरालले तालिममा सिकेको सीपलाई व्यवहारमा उतार्न प्रयास गर्ने बताइन् । कार्यक्रममा नेपाल उद्योग वाणिज्य महासंघका केन्द्रीय सदस्य बाबुराम गिरीले पनि बोलेका थिए ।