पोखरा ।
पश्चिमाञ्चल क्षेत्रीय अस्पतालमा एकै दिन २ जनाको मृर्गौला प्रत्यारोपण भएको छ । साउन २५ गते शनिवार शहिद धर्मभक्त राष्ट्रिय प्रत्यारोपण केन्द्रको सहयोग तथा कार्यकारी निर्देशक डाक्टर पुकार चन्द्र श्रेष्ठ नेतृत्वको टोलिले एकै दिन २ जनाको मृर्गौला प्रत्यारोपण अस्पतालका निर्देशक भरत खत्रीले बताए ।

स्याङ्जा जिल्ला चापाकोट नगरपालिकाका ४२ वर्षिय पूरुष र कास्की जिल्ला रुपाकोट गाउँपालिकाका, ५३ वर्षीया पूरुषको सफल मृर्गौला प्रत्यारोपण गरिएको उनले बताए । निर्देशक खत्रीका अनुसार दुवै जना पुरुषलाई उनीहरुका पत्नीले मिर्गौला हुन् । स्वास्थ्य विज्ञान प्रतिष्ठान अन्तर्गत पर्ने पश्चिमाञ्चल अस्पताले गत असार ९ गते पहिलो पटक मृर्गौला प्रत्यारोप सुरु गरेको थियो । यो दोस्रो पटक तेस्रो औं मृर्गौला प्रत्यारोपण हो ।

असारमा ५० बर्षिया महिलाको सफल शल्यक्रिया गरेको थियो । मानव अंग प्रत्यारोपण केन्द्र भक्तपुरको सहयोगमा त्यहाँका विशेषज्ञसहित क्षेत्रीय अस्पतालका विशेषज्ञ चिकित्सकहरुले महिलामा मिर्गौला प्रत्यारोपण सफल गरेका थियो । यतिबेला श्रीमानले श्रीमतिलाई मृर्गौला दिएका थिए ।

अस्पतालका उपकुलपति प्राध्यपक डाक्टर डुकबहादुर क्षेत्री र निर्देशक भरत खत्रीले प्रत्यारोपण सेवाले अब निरन्तरता पाउने बताए । निर्देशक खत्रीका अनुसार असपतालले प्रत्येक महिनाको २ वटा प्रत्यारोपण गराउने बताए । शहीद धर्मभक्त प्रत्यारोपण केन्द्रका कार्यकारी निर्देशक डा पुकार चन्द्र श्रेष्ठले पोखरा स्वास्थ्य विज्ञान प्रतिष्ठानलाई प्रत्यारोपण सेवामा आत्म निर्भर बनाउनको लागि नेफ्रोलोजिष्ट, सर्जन, एनेस्थेसियोलोजिष्ट, कोर्डिनेटर र ओटी तथा आइ सी यु नर्सहरुलाई तालिम दिई रहेको खत्रीले बताए ।