पोखरा ।
हाम्रो कास्कीकोट युवा सञ्जालले कास्कीकोटमा स्थित कश्यप ताल (ठूली पोखरी) सरसफाइ कार्यक्रम सम्पन्न गरेको छ ।

कास्कीकोटमा अवस्थित सार्वजनिक चौतारा, पोखरी, मठमन्दिर तथा धार्मिक एवम् ऐतिहाँसिक सम्पत्तिको व्यवस्थित हिसावको संरक्षण र सम्बर्धनका लागि आवाज उठाउँदै आएको युवा सञ्जालले वडा नं. २४ को कार्यालयसँगको सहकार्यमा उक्त सरसफाइ कार्यक्रम गरेको हो ।

कार्यक्रममा सहभागि हुँदै वडा अध्यक्ष भरतवहादुर अधिकारीले पोखरीको संरक्षण एवम् सम्वर्धनका लागि स्थानिय सरोकारवालाको समितिलाई सक्रिय बनाउने आश्वासन दिए । कार्यक्रममा कालिका तेक्वान्दो स्कुलका प्रशिक्षक बोधराज गिरी एवम् बिद्यार्थी खेलाडीको समेत सहभागिता थियो ।