पोखरा ।
नेपालीहरूको महान पर्व हरितालिका तीजको पुर्वसन्ध्यामा भवानी कालिका माविले तीजगीत प्रतियोगिता गरेको छ । प्रतियोगितामा कक्षा एकदेखि कक्षा १२ सम्मका विद्यार्थी सहभागी थिए । प्राथमिक र माध्यमिक गरी दुई तहमा मुल्यांकन गरिएको प्रतियोगितामा प्राथमिक तर्फमा कक्षा चारका गंगा शाक्य ,रिदिमा विक, आयुषा शर्मा, सोनिया गुरुङ, सिम्रन थापा, सिर्जना पौडेलको समुह प्रथम भएको छ ।

कक्षा ३ का साधिका पौडेल, रोश्मी नेपाली, शुष्मा नेपाली, साइना मगर, विवेक मगर, अमृता विक र सागर कुमालको समुह दोस्रो भएको छ । तेस्रो हुनेमा कक्षा पाँचका प्रिया नेपाली, रञ्जिता विसी, स्वस्तिका डिम्डुङ, सुस्मिता लामा, झरना विक, र ग्रिष्मा पुनको समुह रहेको छ ।

माध्यमिक तहबाट कक्षा १२ शिक्षा शास्त्र संकायका सिजन नेपाली, रञ्जना नेपाली, सरस्वती विक र अनु भुजेलको समुह प्रथम भएको छ । त्यस्तै कक्षा १० का हेमा मगर, निकिता रानाभाट, निलु राई, अनिसा कन्यलभाट, दीपा परियार, स्मृती थापाको समुह दोस्रो भएको छ । त्यस्तै तेस्रो हुनेमा कक्षा १२ का व्यवस्थापन संकायका रितु राई, एलिना विक, सुनिता मगर र टिकारामको समुह रहेको विद्यालयका शिक्षक निरू केसीले जानकारी दिएकी छिन् ।

प्रतियोगितामा उत्कृष्ट समुह तथा सहभागी समुहका विद्यार्थीलाई प्रधानाध्यापक रमेश भट्टराईले पुरस्कार वितरण गरेका थिए । कार्यक्रमको सञ्चालन कक्षा १२ का विद्यार्थी सिजन नेपालीले गरेका थिए ।