पोखरा ।
नवौं राष्ट्रिय खेलकुद प्रतियोगिता अन्तर्गत कास्कीमा क्रिकेट महिला तथा पुरुष र उसुका महिला तथा पुरुष खेलाडी छानिएका छन् । जिल्ला खेलकुद विकास समिति कास्कीका अनुसार यी दुईसहित शनिबार अन्य २ खेलका छनोट भएका छन् । क्रिकेट पुरुषमा नवौंका लागि अमृत गुरुङको कप्तानीमा २ वैकल्पिकसहित १४ खेलाडी छनोट भएका छन् ।

छनोट हुने खेलाडीमा अनिल गुरुङ, मुस्कान थापा, अभिषेक थापा, सुभाष भण्डारी, आयुष सैञ्जु, कृष्ण पौडेल, किरण पौडेल, विपिन खत्री, सुदीप पौडेल, विधान श्रेष्ठ, विश्वास पराजुली, सचेत कार्की र अर्जुन कुमाल छन् । वैकल्पिकमा नितेश गिरी र सिवरिन श्रेष्ठ छन् ।

महिला क्रिकेटतर्फ सृष्टि जैसीको कप्तानीमा १४ सहित ४ जना वैकल्पिक खेलाडी छनोट भएको जिल्ला खेलकुदकी कोषाध्यक्ष कञ्चन थापाले जनाएकी छन् । सीता रेग्मी क्षेत्री (उपकप्तान), सृजना पौडेल, सुजाता थापा, गंगा बस्नेत, पेम्बा लेम्बु शेर्पा, यशोदा भुजेल, वीनिता नेपाली, श्रद्धा गुरुङ, एलिना विक, सजना खत्री, रचना चौधरी, विन्दु थापा र सम्झना विक छानिएका छन् । वैकल्पिकमा वीनिता सिग्देल, आश्ना पौडेल, रिया गुरुङ र सुशीला तामाङ छन् ।

कास्कीमा उसुतर्फ महिला र पुरुष गरी १९ खेलाडी छनोट हुन सफल भएका छन् । पुरुष सान्सौतर्फ विभिन्न तौलमा ९ जना र महिलातर्फ ७ गरी १६ जना र छानछवान पुरुषतर्फ मिग्मा छिरिङ लामा, महिलातर्फ सोफिया गुरुङ, नानछवान पुरुषतर्फ निश्चल रोक्का, महिलातर्फ वीनिता राई, थाइची छवान पुरुषतर्फ प्रयास मगर छनोट हुन सफल भएका छन् ।