पोखरा ।
पोखरा जेसीज रानीपौवाले भदौ १७ देखि २३ गतेसम्म साप्ताहिक कार्यक्रम आयोजना गर्ने भएको छ । पोखराभित्र र बाहिर विभिन्न ठाउँमा कार्यक्रम सञ्चालन गरिने सप्ताह आयोजक समितिका मूल संयोजक कुशल पौडेलले जानकारी दिए ।
युवालाई व्यक्तित्व र नेतृत्वदायी भूमिका निर्वाह गर्न सक्ने बनाउन र सामाजिक उत्तरदायित्व वहन गर्न सिकाउने उद्देश्यले कार्यक्रम गर्न लागिएको संयोजक पौडेलले बताए । ‘पोखरा सहित रुपा र अन्नपूर्ण गाउँपालिकाका जनसमुदाय लगायत विद्यार्थी, उद्यमी व्यवसायी, कृषक र युवाप्रति लक्ष्य गरी जेसीज साप्ताहिक कार्यक्रम गर्दैर्छाैं,’ उनले भने ।

पोखरा जेसीजले १८ देखि ४० वर्षसम्मका युवालाई लक्ष्य गरी वर्षेनी जेसीज साप्ताहिक कार्यक्रम गर्दै आएको छ । कार्यतालिका अनुसार १७ गते पोखरा जेसीजको सचिवालयमा रतmदान, १८ गते अन्नपूर्ण गाउँपालिका ४ मा निशुल्क स्वास्थ्य शिविर, १९ गते फेवा आधारभूत विद्यालय पोखरा २३ मा खेलकुद तथा शैक्षिक सामग्री वितरण, २० गते पोखरा १८ मा सरसफाइ तथा वृक्षरोपण, २१ गते रुपा गाउँपालिकामा कृषि सचेतना तथा माटो परीक्षण, २२ गते पोखरा जेसीज सचिवालयमा ११ र १२ तथा स्नातकतहका विद्यार्थी लक्षित साइबर सुरक्षा सम्बन्धी सचेतना र २३ गते गण्डकी युवा वक्ता कार्यक्रम हुनेछ ।