पोखरा ।
पोखरा उद्योग वाणिज्य संघको चुनानी सरगर्मी बढेसँगै पवन प्रजापतिको समूहले आइतबार अमरसिंह चोक, रामबजार, वुद्धचोक आसपासका मतदातासँग भेटघाट गरेको छ । घरदैलोमा उम्मेदवारहरुले टिम समावेसी, अनुभवी र समझदार भएकाले आफूहरुलाई जिताउन आग्रह गरे ।

अध्यक्षका प्रत्यासी प्रजापतीले महिला उद्योगी, व्यवसायीलाई शुभकामना दिँदै मत मागे । उनले संघमा महिला सदस्य बढाउने र उद्यमशीलता प्रवद्र्धनमा ध्यान दिने प्रतिवद्धता गरे । उपमहासचिवकी प्रत्यासी शोभा गौतमले उद्योगी, व्यवसायीका समस्यासमाधानका लागि आफ्नो टिमको विकल्प नभएको बताइन् ।

व्यावसायिक वातावरण निर्माण र उद्योगी, व्यवसायीको सम्मान अभिवृद्धि, हाम्रो पहिलो प्राथमिकता भन्ने पहिलो प्रतिवद्धतासहित यो टिम मैदानमा छ । विभिन्न पेशा र व्यवसायीका समस्या, अवसरको व्यवस्थापनका एजेन्डासहित १७ प्रतिबद्धता लिएर प्रजापती समूह चुनावी मैदानमा छ ।

यो समूहबाट वरिष्ठ उपाध्यक्षमा गोकर्ण कार्की, उपाध्यक्ष उद्योग हिरामणि पण्डित वाणिज्य उपाध्यक्षमा उत्तममान बुद्धाचार्य, महासचिव बलराम आचार्य, कोषाध्यक्ष दिनेशचन्द्र बास्तोला र उपमहासचिव शोभा गौतम मैदानमा छन् । सदस्यमा प्रभा सुवेदी, बालकृष्ण कोइराला, विनोद केसी, भीम गौतम, मनोजकुमार श्रेष्ठ, यमनाथ तिमिल्सिना, रामचन्द्र शर्मा, ललित कुँवर, सुदीप ओझा र सुदीप प्रधानांगले उम्मेदवारी घोषणा गरेका छन् ।