पोखरा । पोखरेली युवा व्यवसायीहरुको टोलीले आन्तरिक पर्यटन प्रवर्द्धन गर्ने हेतुले मंगलवार पर्बतको कुस्मा बन्जि द क्लिफ सम्मको यात्रा तय गरेका छन् । संचार उद्यमी तथा सुनचांदी ब्यवसायी शोभितमान बुद्दाचार्यको संयोजनमा युवा उद्यमी मञ्च पोखरा, डुलुवा र युवा ब्यवसायी गरि १६ जनाको टोली द क्लिफ पुगेको हो ।

हरितालिका तिजमा छुट्टिको अवसर पारेर मन मिल्ने साथीहरुको एउटा रिफ्रेसमेन्ट ट्रिप गरेको बुद्दाचार्यले बताए । टुरिज्म प्रमोसन टुर स् पोखरा टु कुस्मा द क्लिफ नाम दिइएको यस टुरमा पोखरा र कुस्मालाई पर्यटकिय गतिबिधिमा जोड्ने उद्देश्य रहेको बुद्दाचार्यले जानकारी दिए । टोलीले कुस्मा बन्जी द क्लिफका संचालक रोजन श्रेष्ठसंग समन्वय गरि टुरको व्यबश्थापन गरेको सह संयोजक पन्जा गुरुङले बताए ।

गुरुङले आगामि दिनमा पनि आवश्यकता अनुसार नियमित रुपमा बिभिन्न गन्तब्यमा यस्ता प्रवद्र्धनमात्मक टुरको आयोजना गर्ने योजना रहेको बताए । टुरमा युवा उद्यमी मन्च पोखराका पूर्व अध्यक्ष पुनित बैद्य, निवर्तमान अध्यक्ष सुनिलबहादुर भट्टराईसहित बिभिन्न व्यवसायमा आबद्द युवा व्यवसायीहरुको टोली ८ वटा बाइक र २ वटा गाडिमा कुस्मा पुगेका थिए ।

टोलीलेलाई नदीपुरमामा अवश्थित सिंगापुर क्याफेबाट मंगलवार पूर्वान्ह पोखरा पर्यटन परिषदका नव निर्वाचित अध्यक्ष पोमनारायण श्रेष्ठले शुभयात्रा बिदाई गरेका थिए ।