पोखरा ।
पोलिटिकल साइन्स सोसाइटी नेपाल (पोस्सोन)ले मंसिरमा तय निर्वाचन लक्षित कार्ययोजना बनाएको छ । संस्थाले आउँदो चुनावमा उम्मेदवार हुनेहरुको न्यूनतम योग्यताबारे बौद्धिक छलफल गर्ने तय गरेको हो । मंगलबार भएको संस्थाको बैठकले असोज १ गते आगामी चुनाव लक्षित गोष्ठी आयोजना गर्ने निर्णय गरेको हो ।

गोष्ठीमा आगामी चुनावमा उठ्ने उम्मेद्वारमा हुनुपर्ने न्यूनतम योग्यताका विषयमा कार्यपत्र प्रस्तुतिसहित छलफल हुने संस्थाका सहसंयोजक फरेन्द्र थापाले जानकारी दिए ।

देशको राजनीति र राजनीतिकर्मीलाई बिषयगत र अनुसन्धानमूलक तथ्य र यथार्थ धरातलमा लैजाने उद्देश्यले पोस्सोन गठन भएको हो । संस्थाका संयोजक सुभाष ढुंगानाको अध्यक्षतामा भएको कार्यक्रममा पृथ्वीनारायण क्याम्पस राजनीतिशास्त्र बिभागका बिभागिय प्रमुख प्राडा थानबहादुर क्षेत्रीले समेत बोलेका थिए ।