पोखरा ।

जोमसोमका लागि पोखराबाट आइतबार बिहान उडेको समिट एयरको जहाज इन्जिनमा खराबी देखिएपछि ७ मिनेटमै पोखरामा आपतकालीन अवतरण भएको छ ।

उक्त जहाज पोखराबाट बिहान ७ : ५९ बजे उडेको थियो । जहाज उडेको ७ मिनेटमा फेरि पोखरा विमानस्थलमा अवतरण भएको जानकारी पोखरा विमानस्थलका सूचना अधिकारी देवराज सुवेदीले दिए । पाइलटले जहाजमा खराब संकेत देखिएको भन्दै दायाँ इन्जिन अफ गरी जहाजलाई पोखराको आकाशमा एक फन्को लगाएर फेरि पोखरै अवतरण गराएका थिए ।

जहाजमा यात्रु थिए । जहाज पोखरा विमानस्थलमा आपतकालीन अवतरण गरेपछि यात्रुमा रुवाबासी चलेको थियो । जहाजको आपतकालीन अवतरण भए पनि विमानस्थलमा आकस्मिक तैनाथी गर्न भने नपरेको जानकारी सूचना अधिकारी सुवेदीले दिए ।