पोखरा ।
पोखरा उद्योग वाणिज्य संघमा पोखराको प्रतिष्ठित औद्योगिक घराना केसी ग्रुपकी सदस्य निर्विरोध भएकी छन् । संघको कर्पोरेट सदस्यमा केसी ग्रुपकी वन्दना कार्की निर्विरोध चयन भएकी हुन् । उनले युनाइटेड इदी मर्दी हाइड्रोपावर कम्पनी प्रालिका तर्फबाट उक्त पदमा प्रतिनिधित्व गरेकी छन् ।

माछापुच्छ्रे बैंक प्रालिका निर्देशक समेत रहेका कार्की पोखराको जोन्टा क्लब, नेपाल भारत मैत्री संघ लगायत अन्य सामाजिक संघसंस्थामा पनि क्रियाशील छिन् । संघको अर्को कर्पोरेट सदस्यमा इजी टे«डिङ प्रालिका रामप्रसाद कँडेल छन् । २ जना कर्पाेरेट सदस्यमा केसी र कँडेलको मात्रै उम्मेदवारी परेको हो ।

पोखरा उद्योग वाणिज्य संघले ३४ औं महाधिवेशन भदौ २४ र २५ गते हुँदैछ । त्यसको पूर्वाद्धमै उनीहरु निर्विरोध भएकी हुन् । महाधिवेशनले अध्यक्ष, वरिष्ठ उपाध्यक्ष, उद्योग र वाणिज्यतर्फका २ उपाध्यक्ष, महासचिव, कोषाध्यक्ष, उपमहासचिवसहित २९ सदस्यीय कार्यसमिति चयन गर्नेछ । निवर्तमान अध्यक्ष कार्यसमितिको पदेन सदस्य हुने व्यवस्था छ ।

संघको कार्यसमिति सदस्यमा खुलातर्फ १०, कर्पोरेट २ जना, औद्योगिकबाट १ जना तथा वस्तुगतबाट ४ सदस्य हुने व्यवस्था छ । ४ जना सदस्य अध्यक्षले मनोनित गर्ने विधानमा उल्लेख छ ।