लेखनाथ ।
लेखनाथ हार्डवेयर एसोसिएसनको नवौं वार्षिक साधारण सभा शुक्रबार सम्पन्न भएको छ । साधारण सभा उद्घाटन गर्दै लेखनाथ उद्योग वाणिज्य संघका अध्यक्ष क्षत्रधर आत्रेयले व्यवसायीबीच एकता हुनुपर्नेमा जोड दिए ।

उनले समयअनुसार व्यवसायलाई आधुनिकीकरण एवं परिमार्जन गर्न सके व्यावसायिक सफलता हासिल गर्न सकिने बताए । उनले आइपर्ने विभिन्न समस्याको एकीकृत रुपमा सामाधान समेत निकाल्न सकिने बताए । व्यवसायीहरुको क्षमता अभिवृद्धिका लागि संघले विभिन्न समयमा तालिम सञ्चालन गर्दै आएको र बक्यौता असुली, चेक बाउन्स हुने जस्ता समस्याका लागि संस्थागत रुपमा समेत पहलकदमी लिने गरेको बताए ।

एसोसिएसन संस्थापक अध्यक्ष राजेन्द्र ओझाले कोरोना महामारीका कारण व्यवसायमा नराम्रो असर परेको बताउँदै यसतर्फ राज्यले ध्यान दिनुपर्नेमा जोड दिए ।

कार्यक्रममा ट्राफिक प्रहरी कार्यालय डाँडाको नाक प्रमुख उदयबहादुर कुँवर, वस्तुगत संघको तर्फबाट निर्माण व्यवसायी संघका प्रेमबहादुर थापा, पूर्व अध्यक्ष ऋषिराम भण्डारी, वरिष्ठ सल्लाहकार भक्तबहादुर केसी, सल्लाहकार भरत अधिकारी लगायतले बोलेका थिए ।

संस्थाका अध्यक्ष ऋषिराम जमरकटृेलको अध्यक्षतामा भएको कार्यक्रममा कार्यक्रम संयोजक गमबहादुर सुनारले स्वागत, महासचिव नवराज तिवारीले सञ्चालन र प्रथम उपाध्यक्ष अर्जुन पंगेनीले धन्यवाद ज्ञापन गरेका थिए । कुुल १३ हार्डवेयर व्यवसायीको पहलमा २०६६ सालमा स्थापना भएको एसोसिएसनमा हाल १ सय बढी व्यवसायीहरु आवद्ध छन् ।