पोखरा ।
नेपाल मगर संघ नयाँ बजार इकाई समितिको नयाँ कार्यसमिति चयन भएको छ । शनिबार भएको २५ औं वार्षिक साधारणसभा तथा छैटौं अधिवेशनले दुर्गाबहादुर थापा मगरलाई अध्यक्ष चयन गरेको छ । उपाध्यक्षमा रामबहादुर मगर, उपाध्यक्षमा कला पुनमगर, सचिवमा दुर्गाबहादुर थापामगर जेडी, कोषाध्यक्षमा नन्दबहादुर रानामगर, सहसचिवमा होमबहादुर थापामगर, सदस्यमा रामबहादुर थापामगर, खड्कबहादुर थापामगर, दीपेन्द्र थापामगर, राजेन्द्र रानामगर, कमल रानामगर, नरमाया थापामगर, ललिता आलेमगर र गोपाल थापामगर छन् ।

संस्थालाई उत्कृष्ट योगदान दिने महिला अध्यक्ष चुनीमाया लगायत अन्य पदाधिकारीलाई कार्यक्रममा सम्मान गरिएको थियो । समाजका १२ कक्षादेखि स्नातक उत्तीर्ण विद्यार्थीलाई सम्मान गरिएको थियो ।

अधिवेशनले महिला समिति पनि गठन गरेको छ । समितिको अध्यक्षमा मीना थापामगर, उपाध्यक्षमा लोकमाया थापा मगर, उपाध्यक्षमा ओम कुमारी थापा मगर, सचिवमा दानीमाया थापा मगर, कोषाध्यक्षमा बैनी थापा मगर र सदस्यमा सुनमाया थापा मगर, गीता राना, शान्ति लुंगेली मगर, जानुका थापामगर, चन्द्रकला बुढाथोकी मगर, शान्ति थापामगर चयन भएका छन् ।

अध्यक्ष दुर्गाबहादुर थापामगरको अध्यक्षतामा भएको कार्यक्रममा प्रमुख अतिथिमा नेपाल मगर संघ केन्द्रीय सह कोषाध्यक्ष पूर्णबहादुर राना मगर थिए ।

नेपाल मगर संघ जिल्ला समन्वय समिति कास्की उपाध्यक्ष बुद्धिमाया थापामगर, सचिव रामबहादुर थापामगर, नेपाल मगर महिला केन्द्रीय भाषिक उपाध्यक्ष फूलकुमारी थापा मगर, नेपाल मगर महिला संघ कास्कीकी जुनुमाया राना मगर, वरिष्ठ अधिवक्ता सुरेन्द्र थापामगर, नेपाल मगर संघ केन्द्रीय पूर्व उपाध्यक्ष खुमकुमारी थापा मगरको उपस्थिति थियो । कार्यक्रम सञ्चालन सचिव रामबहादुर मगरले गरेका थिए ।