पोखरा ।
पोखरा ९ नयाँबजारको पोखरा बचत तथा ऋण सहकारी संस्था लिमिटेडको २३ औं वार्षिक साधारणसभा सम्पन्न भएको छ ।
शनिबार आयोजित साधारणसभाको अध्यक्षता संस्थाका अध्यक्ष इन्जिनियर सुरेन्द्रबहादुर गोदारले गरेका थिए । कार्यक्रमका प्रमुख अतिथी पोखरा ९ का वडाध्यक्ष दीपेन्द्र मर्सानीले तुलसीघाटलाई स्वर्गद्वारीमा रुपान्तरण गर्न वडाले साथ खोजिरहेको बताए ।

कार्यक्रममा गणेश भद्रकाली मन्दिर व्यवस्थापन समितिका योगेन्द्रमान श्रेष्ठले भनाइ राखेका थिए । साधारणसभा कार्यक्रम संयोजक वीरबहादुर थापाले स्वागत मन्तव्य राखेका थिए । सेयर सदस्य मीनाकुमारी पुनले सहकारीका सात सिद्धान्त सुनाएकी थिइन् । विशेश्वर आचार्य र संस्थाका सल्लाहकार आशबहादुर गुरुङले शुभकामना दिए ।

कार्यक्रममा संस्थाका असल कारोबारी सदस्य बलराम अधिकारी, लक्ष्मी थापा, चिनप्रसाद घर्ती मगर बनेका छन् । टेकबहादुर तिलिजा पुन, भेषराज लामिछाने, प्रिया आले उत्कृष्ट बचतकर्ताको पुरस्कार प्राप्त गरेका छन् । नयाँबजार शाखामा कार्यरत पबी श्रीषमगर उत्कृष्ट कर्मचारी बनेकी छन् । कास्कीभर कार्यक्षेत्र रहेको सहकारीमा अहिले २३ कर्मचारी छन् । साधारण सभामा सहकारी प्रवेश गरेका ५० जना नवप्रवेशीलाई स्वागत गरिएको छ । ७० वर्ष पुगेका ५ सदस्यलाई सम्मान गरिएको छ ।