पोखरा ।
पोखरा महानगरपालिका ९ नयाँबजारको उन्नति बचत तथा ऋण सहकारी संस्था लिमिटेडको सञ्चालक समितिको अध्यक्षमा राजेश रानाभाट सर्वसम्मत निर्वाचित भएका छन् । संस्थाको १४ औँ साधारणसभा तथा अधिवेशनले रानाभाटको अध्यक्षतामा चार वर्षका लागि नयाँ सञ्चालक समिति सर्वसम्मत चयन गरेको हो । अध्यक्षमा चयन भएका रानाभाट भने पदमा दोहोरिएका हुन् ।

संस्थाको उपाध्यक्षमा लेखनाथ अर्याल, सविच रेवतिमणी भण्डारी, कोषाध्यक्षमा प्रमोद थापा चयन भएका छन् भने सदस्यमा बैकुण्ठ बराल, राजेश शर्मा र विनोज पोटे चयन भए । नवनिर्वाचित सदस्यलाई संस्थाका पूर्व अध्यक्ष पदमबन्धु पोखरेलले बधाई तथा शुभकामना व्यक्त गरे । कार्यक्रम उद्घाटन गर्दै गण्डकी प्रदेशका सहकारी रजिष्ट्रार रमेश घर्तीले सहकारी संस्थाहरुले सहकारीका सात सिद्धान्त अक्षरस अनुसरण गर्नुपर्ने बताए ।

संस्थाका अध्यक्ष राजेश रानाभाटले विगतमा कोरोना महामारीका कारण योजना अनुसार काम गर्न नसकेपनि संस्थालाई गण्डकी प्रदेशकै उत्कृष्ट र अनुकरणीय संस्थाका रुपमा विकास गर्ने प्रतिवद्धता जनाए ।