पोखरा ।
पोखरा नर्सिङ क्याम्पसले विश्वविद्यालय अनुदान आयोगद्वारा प्रदान गरिने गुणस्तर सुनिश्चितता तथा प्रत्यायन प्रमाणपत्र प्राप्त गरेको छ । विश्वविद्यालय अनुदान आयोगका अध्यक्ष प्राडा भीमप्रसाद सुवेदीले नर्सिङ क्याम्पसका प्रमुख प्राध्यापक नीता ताम्राकारलाई आइतबार प्रमाणपत्र दिएका हुन् ।

आयोगले तोकेको मापदण्ड पूरा गरेपछि मात्र यो प्रमाणपत्र दिइन्छ । क्याम्पसले सो प्रमाणपत्र प्राप्त गर्न २०७६ माघमा आयोगबाट आसय पत्र प्राप्त गरी प्रक्रियाको थालनी गरेको थियो ।

प्रमाणपत्र ग्रहण समारोहमा पोखरा नर्सिङ क्याम्पसबाट क्याम्पस प्रमुख ताम्राकार, स्याट कमिटीका संयोजक शारदा शर्मा तथा सदस्यहरु सृजना पौडेल र अन्जु पौडेलको सहभागिता थियो । विश्वविद्यालय अनुदान आयोगबाट पोखराको वनविज्ञान क्याम्पस समेत रहेको छ ।