पोखरा ।
पोखरा महानगरपालिकाका पूर्व मेयर कृष्ण थापाले काठमाडौंका मेयर र उपमेयरले गरेका कामको प्रशंसा गरेका छन् । उनले भनेका छन् ‘अहिलेसम्म बालेन र सुनिताले गरेको कार्य काठमाडौंबासीको हितमा छन् । हातमुख लिएर सहर पस्ने र पाए भेट्टाए सबै लुट्ने अपराधिको विरुद्धमा छन् । ’ बालेन र सुनिताको साहसको प्रशसां गर्दै धन्यवाद भनेका छन् ।

साउनमा १२ काठमाडौं महानगरले टुकुचा खोलाबारे काठमाडौं महानगरपालिका वडा नम्बर १ स्थित सिटी एक्सप्रेस मनि ट्रान्सफर रहेको भवन (काठमाडौं प्लाजाको उत्तर तर्फ) देखि जय नेपाल हलसम्म टुकुचा खोलाको किनार क्षेत्रका अतिक्रमित संरचना हटाउनु भनेर सूचना निकालेको थियो ।

बिहीबार डोजर लिएर पुगेको महानगरको टोलीले जय नेपाल हलको परिसरमा खोतल्दा टुकुचे खोला फेलापरेपछि मेयर र उपमेयरको कामको चौतर्फी प्रशंसा भइरहेको छ ।