पोखरा ।
पोखरा १४ सुभकामना टोल स्थित सफलमार्गमा १ किलोमिटर बाटो ढलान भएको छ । शनिबार गण्डकी प्रदेशकी उपसभामुख सृजना शर्माले यो बाटो उद्घाटन गरिन् । उपसभामुख शर्माले सबै मिलेर गरेको विकास दिगो हुने र समाजमा सबै खालको समस्या हल गर्न सहयोग पुग्ने बताइन् ।

गण्डकी प्रज्ञा प्रतिष्ठानका उपकुलपति सूर्यबहादुर खड्का बिखर्चीले विकास समाजको एक पाटो भएको बताउँदै कला र साहित्य अर्काे पाटो भएको उल्लेख गरे ।

टोलका अध्यक्ष प्रकाश शर्माको अध्यक्षतामा भएको कार्यक्रममा पोखरा १४ का अध्यक्ष वोधबहादुर कार्की, वडा सदस्य गोपाल सापकोटा, उपभोक्ता समितिका उपध्यक्ष वीरबहादुर गुरूङ, कृष्णबहादुर केसी, राजु केसी लगायतले बोलेका थिए ।