पोखरा ।
अस्ट्रेलियामा मुख्य कार्यालय रहेको शैक्षिक परामर्श केन्द्र म्याक्सी म्याक्स एजुकेसन एन्ड माइग्रेसन सर्भिसको शाखा पोखरामा विस्तार भएको छ । शैक्षिक परामर्श केन्द्रको उद्घाट्न कवि विष्णुकुमार श्रेष्ठ अल्पविराम र राजेश्वरी श्रेष्ठले गरे ।

नेपाली संगीतमा ख्याति कमाएको पोखरेली ब्यान्ड कन्दराका गायक विवेक श्रेष्ठको समेत लगानी रहेको म्याक्सी म्याक्सको पोखरा शाखा नेपालका लागि तेस्रो हो । यसअघि नेपालमा चितवनको पर्सा तथा काठमाडाैंको कुमारीपाटीमा यसका शाखा सञ्चालनमा आइसकेका छन् । यसबाहेक म्यानमार, लाओस, फिलिपिन्समा समेत यसका शाखा विस्तार गरिएको पोखराका निर्देशक श्रेष्ठले बताए ।

म्याक्सी म्याक्सले अस्ट्रेलिया लगायत अमेरिका, क्यानडा, युके, युरोपेली देशका कलेज तथा युनिभर्सिटीमा अध्ययनका लागि परामर्श तथा सेवा प्रदान गर्दै आएको छ । कार्यक्रममा बिभिन्न कलेज तथा युनिभर्सिटीका प्रतिनिधिले अस्ट्रेलियामा अन्तर्राष्ट्रिय विद्यार्थीले पढ्न पाउने विषय र अवसर तथा त्यसका लागि चाहिने प्रक्रियाका बारेमा अवगत गराएका थिए ।

पोखरा चिप्लेढुंगाको आयुष प्लाजामा अवस्थित शैक्षिक परामर्श केन्द्रले विद्यार्थीका लागि कलेज, युनिभर्सिटी तथा विषय छान्न परामर्श र प्रक्रियाका सहयोग गर्नेछ । यसका अलावा दक्ष जनशक्तिलाई माइग्रेशनसम्बन्धी सेवा तथा भिजिट भिसामा जान चाहनेका लागि पनि उचित परामर्श, डकुमेन्टेसन तथा प्रक्रियाका लागि सघाउनेछ ।