पोखरा ।
संविधान दिवसको अवसरमा कास्की कारागारबाट २१ जना कैदी रिहा भएका छन् । संविधान जारी भएको दिन अवसर पारी सरकारको सिफारिसमा राष्ट्रपतिले जिल्ला कारागार कास्कीका २१ जनाको कैद सजाय मिनाहा गरिदिएकी हुन् ।

कास्की २ महिला र १९ पुरुष गरी २१ कैदी सजनाय मिनाहा भएको जिल्ला कारागार कास्कीका प्रमुख भीमराज कोइरालाले बताए । रिहा हुने कैदीमा बहुविवाह मुद्दाका महिला २, पुरुष २, कर्तव्य ज्यानका ८, सवारी ज्यानका २, ज्यान मार्ने उद्योगका ३, चोरीका ३ र मुद्राका १ जना छन् ।

कास्की कारागारमा अहिले ३८ महिला, ८०१ पुरुष र २ नाबालक गरी ८ सय ४१ जनाले जेल सजाय काटिरहेको कारागार प्रमुख कोइरालाले जानकारी दिए ।