फिस्टेलद्वारा सिर्जना बहिरा माविलाई सहयोग

समाधान संवाददाता २०७९ असोज ४ गते १६:२५

पोखरा ।
पोखरा १७ तल्लो विरौटामा अवस्थित फिस्टेल एकेडेमीका विद्यार्थी र शिक्षकले पोखरा–२६, लेखनाथ अर्घौस्थित सिर्जना बहिरा माविका विद्यार्थीलाई सहयोग गरेका छन् । विद्यालयमा कक्षा ४ मा अध्ययनरत विद्यार्थीहरुले सो स्कुल अवलोकन पश्चात् स्टेसनरी सामग्री सङ्कलन गरी सहयोग गरेका हुन् ।

विद्यालयमा अध्ययनरत विद्यार्थी र शिक्षकहरुबाट किताब, कापी, कलम, सिसाकलम लगायत स्टेसनरी सामग्री आइतबार विद्यालय प्राङ्गणमा एक कार्यक्रम आयोजना गरी हस्तान्तरण गरिएको थियो ।

सिर्जना बहिरा माविका शिक्षक र विद्यार्थीहरुको टोलीले आइतबार विद्यालय भ्रमण गरेको थियो । भ्रमणपछि कक्षा ४ का विद्यार्थीहरुको सक्रियतामा सङ्कलन गरिएको स्टेसनरी सामग्री हस्तान्तरण गरिएको जानकारी विद्यालयका सञ्चार संयोजक गोपाल खनालले दिए ।

विद्यालयले गत महिना राष्ट्रिय आविष्कार केन्द्रलाई एक लाख रुपैया सहयोग गरेको थियो । गत महिना नै विद्यालयमा अध्ययनरत आधारभूत तहका विद्यार्थीहरु सहयोग सामग्री लिएर पोखरा वृद्धाश्रम पनि पुगेका थिए ।

तपाईको प्रतिक्रिया