पोखरा ।
पोखरा महानगरपालिका वडा नम्बर २ स्थित विन्ध्यवासिनी मावि वरपाटनको विद्यालय व्यवस्थापन समितिको अध्यक्षमा पोखरा २ भीमसेनटोल निवासी समाजसेवी रवीन्द्र बाटाजू चयन भएका छन् । ९ सदस्य विद्यालय व्यवस्थापन समितिले बाटाजूलाई अध्यक्ष चयन गरेको हो ।

अभिभावक भेलाबाट लालुप्रसाद अधिकारी, अनिता जिसी र मञ्जु विक सदस्य चुनिएका छन् । वडा नम्बर २ वडा प्रतिनिधि सदस्य गौतम बिजुक्छे, वडा शिक्षा समिति वडा नम्बर २ बाट सिफारिस भएका सदस्य रविन्द्र बाटाजू र अग्निप्रसाद भुसाल, शिक्षक प्रतिनिधि हरिप्रसाद गौडेल र सदस्य सचिव प्रअ वसन्तराज पाण्डे छन् । ८ सदस्यीय समितिले पोखरा २ भीमसेनटोलका सुदर्शन भारीलाई सदस्य मनोनित गरेको छ ।

बैठकले विव्यस गठन गर्न सहयोग गर्ने पोमनपा शिक्षा महाशाखा, पोमनपा वडा नं २ वडा अध्यक्ष दिवसमान प्रधानाङ लगायत वडा कार्यालय, अभिभावक, शिक्षक कर्मचारी, स्टाफ, विद्यार्थी तथा सम्पूर्ण शुभेच्छकहरूप्रति धन्यवाद व्यक्त गरेको छ । अध्यक्ष बाटाजूले विद्यालयमा थप गुणस्तर कायम गर्न सबैको साथ सहयोग लिएर लाग्ने प्रतिबद्धता व्यक्त गरेका छन् ।