पाइप चोरी गर्दैगर्दा मादीका वडासदस्य खरजंग गुरुङ पक्राउ

समाधान संवाददाता २०७९ असोज ९ गते १७:३३

समाधान संवाददाता
पोखरा ।
कास्कीका पूर्वी ३ गाविसका जनताका घरमा खानेपानी पु¥याउन ४० वर्षअघि थाक खानेपानी आयोजना सुरु भएको थियो । ४० वर्षअघि पञ्चायत कालमै थालिएको त्यो आयोजनामा अहिलेसम्म पौने अर्ब खर्च भइसकेको छ । तर जनताका घरमा पानी पुग्न नसकेको अवस्थामा मादी गाउँपालिका वडा नम्बर १ का वडासदस्य खरजंग गुरुङ पाइप चोरी गर्दै गर्दा रंगेहात पक्राउ परेका हुन् । गुरुङ कांग्रेसबाट वडा सदस्यमा निर्वाचित भएका थिए । गुरुङ वाइसिएल मादी गाउँपालिका उपाध्यक्ष हुन् । माओवादी कार्यकता भएपनि उनले निर्वाचनको बेला कांग्रेसको रुख चिन्ह लिएर निर्वाचन भएका थिए ।

उनलाई वडा प्रहरी कार्यालय रामबजारबाट खटिएको टोलीले असोज ५ गते राति १२ बजे पक्राउ गरको जिल्ला प्रहरी कार्यालय कास्कीका डिएसपी सुन्दर तिवारीले बताए । सरकारी लगानीको थाक खानेपानीको पाइप चोरी गरेको आरोपमा उनीसँगै ४ जनालाई पक्राउ परेको कास्की प्रहरीले जनाएको छ । चोरी भएको पाइप करिब १४ लाख आसपासको भएको खुलेको छ । यसअघि उक्त ठाउँबाट ४÷५ ट्याक्टर चोरी भएको खुलेको छ ।

तपाईको प्रतिक्रिया