पोखरा ।
नेकपा माओवादी केन्द्रका अध्यक्ष पुष्पकमल दाहाल प्रचण्डले एमाले अध्यक्ष केपी शर्मा ओलीले नेकपा हुँदा गोरुगाढा शिद्धान्त अपनाउन लागेपछि गठबन्धन बनेको बताएका छन् ।

शुक्रबार पोखरामा पाँच दलिय गठबन्धनको संयुक्त कार्यकर्ता प्रशिक्षणमा बोल्दै उनले एमालेले संविधान विपरित, संघीय लोकतान्त्रि व्यवस्थालाई नै धरापमा पर्न लागेपछि गठबन्धन बनेको बताए । ‘एमाले भित्र जनआन्दोलन ताका गोरुगाढा शिद्धान्त बताउँथे । नेकपा हुँदा पनि फेरी गोरु गाढा शिद्धान्त अपनाउन लागेपछि गठबन्धन बन्यो,’ उनले भने, ‘यो गठबन्धन निर्वाचनमा जान मात्र हैन । आर्थिक विकास र समृद्धका लागि आजको आवश्यकता र प्रतिगमनलाई परास्त गर्न बनेको हो ।’

उनले गठबन्धनका साझा उम्मेदवारलाई हात नकमाइ मतदान गर्न र प्रचारप्रचारमा सरिक हुन निर्देशन दिएका छन् । ‘यहाँ कतिपयले एउटा चिन्ह बाहेक अरु तिर भोट हाल्न हात कमाएको पाइयो । यसो कदापी होइन् । माओवादीले शन्ति सम्झौतामा हस्ताक्षर गर्नु नै कांग्रेसको पक्षमा भोट हालेको हो । जति बेला देशमा विषम परिस्थिति हुन्छ । हामीसँगै हिँड्नुपर्छ । एकले अर्को पार्टीलाई भोट हाल्न नहिँचकिचाइ भोट हाल्नुस् ।’

उनले प्रदेश स्थिरिय भेला गरेर पाँच दलका शीर्ष नेता सबै एक ठाउँमा भएको सन्देश दिन खोजेको बताए । ‘तपाईंहरु अघि बढ्नुस्, प्रत्यक्ष तथा समानुपातिक उम्मेदवारलाई जिताउन लाग्नुस्,’ उनले भने ।