पोखरा ।
नेकपा एकीकृत समाजवादी जिल्ला कमिटी कास्कीका सचिव होमबहादुर नेपाली एमालेमै फर्किएका छन् । माधवकुमार नेपाल समूहले एमालेमा समानान्तर गतिविधि गर्दा त्यसमा संलग्न भएका नेपाली शनिबार एमालेमै फर्किएका हुन् ।

नेकपा एमाले उत्पीडित जातीय मुक्ति समाज निर्वाचन परिचालन उपसमिति कास्की २ को भेलामा एमाले केन्द्रीय सदस्य तथा कास्की इन्चार्ज कृष्ण थापा, जिल्ला सचिव बैनबहादुर अधिकारी क्षेत्री लगायतले नेपालीलाई एमालेमा स्वागत गरेका हुन् ।

एकीकृत समाजवादी गठन हुनुअघि नेपाली एमाले कास्की जिल्ला कमिटी सदस्य थिए ।