पोखरा ।
कास्की क्षेत्र नं.२ (२) बाट प्रदेश सभा सदस्यका रुपमा उम्मेदवारी दिएका विन्दुकुमार थापाले जनताको मतको कदर गर्न आफू प्रतिबद्ध रहेको बताएका छन् ।

गण्डकी प्रदेश सरकारका बाहलवाला कानुन, सञ्चार तथा प्रदेश सभा मामिला मन्त्र समेत रहेका थापाले अबको आफ्नो बाटो भनेकै विकास र समृद्धिको भएको उल्लेख गरे ।

‘तपाईहरुको मतको कदर गर्नेछु । खेर जान अवश्य दिने छैन । २०७४ सालको निर्वाचनमा जसरी यहाँहरुले विश्वास गर्नुभयो । आशा छ यसपालि पनि यहाँहरुको माया पाउनेछु । गएको ५ वर्ष नीति निर्माण गरियो । अब विकास र समृद्धि तर्फ प्रदेशलाई अगाडि बढाउने हो,’, उनले भने ।

थापाले पोखरा ८ आफ्नै वडा पनि भएकाले यहाँका हरेक समस्यासँग आफू जानकार रहेको जनाए । विकास र समृद्धिसँग जोड्ने विषयमा आफ्नो ध्यान केन्द्रित हुने भनाइ उनको छ ।

यसअघि प्रदेश सांसद हुँदा पनि पोखरा ८ को विकासमा सक्दो पहलकदमी गरेको र आगामी दिनमा समेत यसको निरन्तरता हुने दिने प्रतिबद्धता गरे । थापाले आफ्नो तलब भत्ता सबै सामाजिक सेवामा खर्च गरेका छन् । निरास भएका जनतालाई उत्साह दिलाउने गरी काम गर्न चुनावी मैदानमा आएको थापा बताउँछन् ।