पोखरा ।
माओवादी केन्द्र पोखरा वडा नम्वर २१ का सचिवालय सदस्य शर्मिला भट्टराई नेकपा एमाले प्रवेश गरेकी छन् ।

भट्टराईलाई नेकपा एमाले केन्द्रीय सदस्य एवं मंसिर ४ गते हुने निर्वाचनमा प्रदेश सभा सदस्यका लागि कास्की क्षेत्र नम्वर २ (१) का एमाले उम्मेदवार भीम कार्की, एमाले प्रदेश कमिटी सदस्य चन्द्रबहादुर रोका, एमाले कास्की जिल्ला कमिटी सचिवालय सदस्य शिवप्रसाद आचार्य लगायतले पार्टीमा स्वागत गरेका हुन् ।

भट्टराईले आफू एमालेको नीति, कार्यक्रमबाट प्रभावित भएर प्रवेश गरेको बताउँदै देश र जनताको समृद्धि एमालेले मात्रै गर्न सक्ने बताइन् । उनले देश र जनताको सेवामा एमालेमा आवद्ध भएर निरन्तर कार्य गर्ने प्रतिवद्धता जनाइन् ।

उम्मेदवार कार्र्कीले उत्कृष्ट योजनासहित एमाले निर्वाचनमा आएको र विकासको सफल नायक एमाले भएको विगतका कार्यले पुष्टि गरेको तर्क गरे । कार्कीले निरन्तर जनताको सेवामा लागेका विभिन्न दलमा आवद्ध अन्य नेता, कार्यकर्तालाई एमालेमा समाहित हुन ढिला गर्न नहुने उल्लेख गरे ।