पोखरा ।
कास्की ३ (१) बाट नेकपा एमालेका प्रदेश सभा सदस्य उम्मेदवार गणेशमान गुरुङले आफूले जनताको आधारभूत आवश्यकता पूरा गर्ने उद्घोष गरेका छन् । जनताको सुख, दुःखमा सधैं साथ रहेको भन्दै उनले आफूले स्थानीय आवश्यकतालाई नजिकबाट बुझेको जनाए ।

माछापुच्छ्रे गाउँपालिकाका वडा नम्बर २, ३, ४ लगायतका विभिन्न वडामा भएको घरदैलोमा उनले उत्पादन र रोजगारी वृद्धिलाई आफूले प्राथमिकतामा राखेको उल्लेख गरे । उम्मेदवार गुरुङले पार्टीकोे प्रतिवद्धतापत्रमा पूरा गर्न सकिने कुरामात्र आएको बताउँदै आफनो पार्टीले कहिल्यै ठूला र झुटा आश्वासन नदिने बताए ।

घरदैलोमा नेकपा (एमाले) गण्डकी प्रदेश सचिवालय सदस्य दीपक पौडेल, केन्द्रीय संस्कृति विभाग सदस्य रमेश श्रेष्ठ, क्षेत्र नं. ३ (क) निर्वाचन परिचालन कमिटी संयोजक विष्णु केसी, वडा कमिटी इन्चार्ज दामोदर शर्मा रिमाल, वडा कमिटी अध्यक्ष रामविक्रम राणा, उपाध्यक्ष सहारा प्रधान, सचिव राधा बराल अधिकारी लगायत सहभागी छन् ।