पोखरा ।
पोखरा महानगरपालिका वडा नम्बर १८ सराङकोट सेदीस्थित श्री प्रभात आधारभूत विद्यालय व्यवस्थापन समितिको अध्यक्षमा लक्ष्मणबहादुर थापा चयन भएका छन् । नौं सदस्य विद्यालय व्यवस्थापन समितिले थापालाई अध्यक्ष चयन गरेको हो ।

अभिभावक भेलाबाट डम्मर बहादुर श्रेष्ठ, पार्वती गुरुङ र कोपिला परियार, वडा नम्बर १८ का प्रतिनिधि सदस्य रमेश थापा, वडा शिक्षा समिति लक्ष्मणबहादुर थापा र दलबहादुर थापा, शिक्षक प्रतिनिधि दुर्गादेवी देवकोटा पराजुली र सदस्य सचिव प्रअ श्यामजी बास्तोला सदस्य चुनिएका छन् ।

सदस्यीय समितिले पोखरा १८ सेदी निवासी निवर्तमान विद्यालय व्यवस्थापन समितिका अध्यक्ष झपटबहादुर थापालाई सदस्य मनोनित गरेको छ । कार्यक्रमा सदस्य दलबहादुर थापा, वडा प्रतिनिधि रमेश थापा, सदस्य झपटबहादुर थापा, प्रअ श्यामजी बास्तोला र शिक्षक कृष्णप्रसाद कोइरालाले बोलेका थिए ।

बैठकले समिति गठन गर्न सहयोग गर्ने पोखरा १८ का वडा अध्यक्ष शिवप्रसाद तिमिल्सिना, वडा कार्यालय, अभिभावक, शिक्षक कर्मचारी तथा शुभेच्छकलाई धन्यवाद दिएको थियो ।
अध्यक्ष थापाले विद्यालयको समग्र विकासको लागि सबैको साथ सहयोग लिएर अगाडी बढ्ने प्रतिबद्धता व्यक्त गरे ।