पोखरा ।
कास्की क्षेत्र नम्बर २ (१)का मतदाताले नेकपा (एमाले)को तर्फबाट सो क्षेत्रमा आसन्न मंसिर ४ गते हुने निर्वाचनमा प्रदेश सभा सदस्य उम्मेदवार भीमबहादुर कार्कीलाई भूगोल बुझेको उम्मेदवार भएको प्रतिक्रिया दिएका छन् ।

पोखरा महानगरपालिकाका पाँच वटा वडामा मतदाताहरुसँग भेटघाट गर्ने क्रममा उम्मेदवार कार्कीले भूगोल बुझेको र यहाँका समस्या समाधानको खाका आफूसँग भएको दाबी गरे ।

पोखरा ३३ बाघमाराका टंकराज आचार्यले विकासका पक्षधर, सरल इमानदार र निष्ठावान निरन्तर संघर्षले खारिएका नेता जनताले छान्ने बताए ।

पोखरा २१ क जीवन लामिछानेले एमालेको घोषणापत्रले युवा क्षेत्रलाई प्राथमिकता दिएको हुँदा सो कार्यान्वयनमा लाग्न आग्रह गरे ।