पोखरा ।
एमाले अध्यक्ष केपी शर्मा ओलीले प्रधानमन्त्री शेरबहादुर देउवालाई लिम्पुलेक लिम्पियाधुराको जमिन वार्तामार्फत फिर्ता ल्याउने जवाफ फकाएका छन् । मंगलबार पोखरामा कास्की जिल्ला कमिटीले आयोजना गरेको कार्यकर्ता भेलालाई सम्बोधन गर्दै उनले गुमेको जमिन वार्ताबाट मात्र फिर्ता ल्याउन सम्भव भएको बताए ।

‘मैले दार्चुलामा गएर जमिन फिर्ता ल्याउने भने जवाफमा शेरबहादुर देउवाजीले बन्दुक लिएर सीमानामा जानु भन्नुभएछ,’ उनले भने, ‘प्रचण्डको संगत गरेपछि बन्दुकको भाषण गर्न थालेछन् । हामी बहुमतको सरकार बनाएर वार्ता मार्फत वार्तामार्फत भूमि फिर्ता ल्याउँछौं ।’

गठबन्धनको कुनै गन्तव्य नभएको बताए । ‘गठबन्धन दिशाहिन विचारहिन र गन्तव्यहिन छ । यो गठबन्धन जनताको चाहना विपरीत कुदेको छ,’ उनले भने, ‘गठबन्धनमा को प्रधानमन्त्री बन्ने तछाडमछाड छ ।’

गठबन्धन सरकार दक्षिणपन्छी दिशामा हिँडेको उनले बताए । उनले भने, ‘हामीहरुले यो देशलाई प्रगतिको बाटोमा लगेका थियो । गठबन्धनका नाइकेहरुले यो देशलाई दक्षिणपन्छी दिशामा लगें ।’

आउँदो निर्वाचनमा एमालेले लोकतन्त्र रक्षाका लागि जित्नुपर्ने र बहुमत ल्याउनुपर्ने उनले बताए । ‘लोकतान्त्रि मुल्यमान्याका लागि हामीले बहुमत प्राप्त गर्नुपर्छ । विचार नभएका नीति नभएका गठबन्धनले फरकरक घोषणा पत्र सार्वजनिक गरेका छन् ।

यो विचारहीन दिशाहिन छ । यसको कुनै भिजन छैन,’ उनले भने, ‘गन्तव्य नभएकाहरुले फरकफरक घोषणा पत्र बोकेर हिँडेका छन् । सबैले आफैलाई प्रधानमन्त्री भन्दै जनतासँग भुटो आवश्वासन दिएका छन् ।