पोखरा ।
पोखरा १६ लाई सारंगी भिलजेको अवधारणामा विकास गर्ने अवधारणासहित राष्ट्रिय प्रजातन्त्र पार्टीको तर्फबाट कास्की क्षेत्र नम्बर २ २ मा उम्मेदवारी दिएका अरुण गिरीले त्यस क्षेत्रमा चुनावी घरदैलो गरेका छन् । सारंगीका लागि नेपालकै ठूलो खुला पाठशालाको रुपमा पोखराको १६ नम्बर वडास्थित बाटुलेचौरलाई विकास गर्न जरुरी रहेको गिरीले बताए ।

त्यसका लागि आवश्यक पूर्वाधार विकासका लागि नीतिगत रुपमा पहल गर्ने उनको वाचा छ । ‘नेपालको मौलिक बाजा सारंगी र सारंगीसँग प्रत्यक्ष जोडिएको गायक समुदायको बाक्लो बस्ती रहेको बाटुलेचौर लगाएतको क्षेत्रलाई सारंगी भिलेजको रुपमा विकसित गरी यहाँको आर्थिक अवस्थाको सुधार गर्ने मेरो योजना छ,’ गिरीले भने ।

मौलिक कला र संस्कृतिको विकास गर्दै नयाँ पुस्तालाई पनि व्यवसायिक रुपमा त्यस क्षेत्रमा लगाउनुपर्ने उनको मत छ । उनले राप्रपा पार्टी र आफ्नो व्यक्तिगत एजेन्डा पनि वैदिक धर्मसँगै सँस्कार र संस्कृतिको जगेर्ना गर्नु भएकाले आफू त्यसप्रति बढी गम्भी भएर लाग्ने प्रतिबद्धता गरे ।