पोखरा ।
पोखराको ‘ला ग्रान्डी कलेज’का ४ शिक्षक विद्यार्थीमाथि दुव्र्यवहारको आरोपमा निष्कासनमा परेका छन् । कलेजका छात्रालाई अश्लील म्यासेज र दुव्र्यवहार गरेको घटना बाहिरिएपछि ४ शिक्षक प्रवेश गौतम, वसन्त श्रेष्ठ, ज्ञानेन्द्र पौडेल र प्रदीप लम्साललाई कलेजले निकालेको हो ।

कलेजले आन्तरिक रुपमा छलफल गरी घटनाबाहिर नल्याउन गुपचुप शिक्षकलाई निष्कासन गरेको हो । ४ शिक्षकले वर्षैदेखि छात्रालाई अश्लील म्यासेज गरेकोमा ती शिक्षकले कलेज प्रशासन र छात्राहरुकै सामु माफी माग्दै गरेको भिडियो बाहिरिएको हो । भिडियोमा छात्राहरुले प्रिन्सिपल किरण केसीलाई घटना सुनाउँदै दोषी शिक्षकलाई कारबाहीको माग गरेका छन् ।

‘सर भएर विद्यार्थीको छातिको साइज सोध्ने ? अहिलेबाट होइन, ४ वर्ष भयो,’ भिडियोमा एक छात्राले भनेकी छन् । ती छात्राले ‘तिम्रो बडी मिलेको छ, तिम्रो ब्वाइफ्रेन्डलाई थाहा नदिई आऊ’ भन्ने गरेको गरेको सुनाइन् । शिक्षकले मेन्टल टर्चर दिएपछि कलेज हाप्ने गरेको ती छात्राले सुनाइन् ।

भिडियोमा शिक्षक ज्ञानेन्द्र र प्रदीपले ‘अहिले जताजतै तिमै डिमान्ड रहेछ’ भन्ने गरेको ती छात्राले बोलेको सुन्न सकिन्छ । शिक्षकको यस्तो क्रियाकलापले आफूलाई मानसिक यातना दिएको ती छात्राले उल्लेख गरेकी छन् । भिडियोमा शिक्षकले गल्ती स्वीकार्दै पटक पटक माफी मागेका छन् ।