पाेखरा ।

मंसिर ४ मा हुने प्रतिनिधि सभा र प्रदेश सभा चुनावका लागि मतदान स्थल रहेका विद्यालयमा सरकारले सार्वजनिक बिदा दिने निर्णय गरेको छ । मंगलबार विज्ञप्ति जारी गर्दै मंसिर २ देखि ५ गतेसम्म मतदानस्थल रहेका विद्यालयमा बिदा दिने निर्णय भएको मन्त्रालयका प्रवक्ता सहसचिव फणिन्द्रमणि पोखरेलले उल्लेख गरेका छन् ।

गृह मन्त्रालयका अनुसार अन्य क्षेत्रमा भने चुनावका लागि २ दिन बिदा दिइएको छ । सार्वजनिक तथा सरकारी कार्यालयहरूमा मंसिर ४ र ५ गते बिदा दिने निर्णय भएको उनले जानकारी दिए ।