काठमाडौं–पोखरा उडान गर्दै सौर्य एयरलाइन्स

समाधान संवाददाता २०७९ मंसिर २ गते ११:३४

काठमाडौं ।
सौर्य एयरलाइन्सले पहिलोपटक काठमाडौं–पोखरा उडान गर्ने भएको छ । एयरलाइन्सले पोखरा क्षेत्रीय अन्तर्राष्ट्रिय विमानस्थलमा जनवरीबाट जेट विमानमार्फत आन्तरिक उडान सुरू गर्ने भएको हो ।

सौर्यले ५० सिट क्षमता भएको जेटमार्फत काठमाडौं–पोखरा–काठमाडौं दैनिक चार उडानको तयारी गरेको जनाएको छ । यसका लागि नागरिक उड्डयन प्राधिकरणसँग अनुमति लिने काम भइरहेको एयरलाइन्सका बजार व्यवस्थापक मुकेश खनालले बताए ।

‘उडानका लागि लिखित रूपमा अनुमति पाउन बाँकी छ । विमानस्थलको क्यालिब्रेसन सकिएपछि प्राधिकरणसँग सहकार्यमा जान्छौं,’ खनालले भने, ‘विमानस्थल सञ्चालनमा आउनसाथ आन्तरिकतर्फ जेट विमानमार्फत पहिलो उडान सौर्यले गर्नेछ ।’

साथै सौर्यले यही मंसिरबाट काठमाडौं–नेपालगन्ज पुनः उडान गर्ने तयारी गरिरहेको छ । करिब दुइ वर्षअघिदेखि सौर्यले यो गन्तव्यमा उडान बन्द गरेको थियो । एयरलाइन्सले हाल विभिन्न ६ गन्तव्यमा उडान गरिरहेको छ ।

तपाईको प्रतिक्रिया