लेखनाथ ।
लेखनाथ क्योकिसन कान कराँते डोजोको आयोजनामा मंसिर १७ गते दोस्रो लेखनाथ डोजो जुनियर फुल कन्ट्याक्ट कराँते च्याम्पियनसिप लेखनाथको पावरहाउसमा हुने भएको भएको छ ।

लेखनाथ रंगशाला भण्डारढिक र लेखनाथ पावरहाउस डोजोमा प्रशिक्षण लिइरहेका १६ वर्ष मुनिका ६० जनाभन्दा बढी खेलाडीले विभिन्न १० तौल समूहमा प्रतिस्पर्धा गर्ने छन् ।

प्रतियोगितामा पुरुषतर्फ २५ केजी, ३० केजी, ३५ केजी, ४० केजी, ४५ केजी र ५० केजी तौल समूहमा खेल हुने छन् । महिलातर्फ ३० केजी मुनि, ४० केजी मुनि र ५० केजी तौल समूहमा प्रतिस्पर्धा हुने कार्यक्रम संयोजक तथा लेखनाथ पावरहाउस डोजो प्रशिक्षक विनोद नेगीले जानकारी दिए ।

खेलाडीलाई सिकेको कला देखाउन र सिनियर प्रतियोगिताका लागि तयार पार्न प्रतियोगिता आयोजना गरिएको प्रमुख प्रशिक्षक सुवास खड्काले जानकारी दिए ।