पोखरा ।
पुम्दीभुम्दी बचत तथा ऋण सहकारीले चौथों वार्षिकोत्सवको अवसरमा मानव सेवा आश्रमलाई सहयोग गरेको छ । सहकारीको टोलीले बिहीबार आश्रमको छोरेपाटन शाखामा पुगेर १० हजार रुपैयाँ हस्तान्तरण गरेको हो ।

संस्थाको सामाजिक उत्तरदायित्व वहन गर्दै अरु सेयर सदस्य र सर्वसाधारणलाई पनि त्यसतर्फ प्रेरित गर्न आश्रमलाई सहयोग गरिएको सहकारीका अध्यक्ष यामकुमार बरालले बताए ।

सहकारीका उपाध्यक्ष राजु बरालले साबिक पुम्दीभुम्दी गाविसका सबै वडा समेटेको यो सहकारीले सहकारीमा मर्म आत्मसात गर्दै उत्पादन वृद्धि र आत्मनिर्भर अर्थतन्त्र बनाउन काम गर्ने बताए । ५ सय ९५ सेयर सदस्य रहेको यो सहकारीको चुक्ता पुँजी १ करोड ७२ लाख छ ।

कार्यक्रममा आश्रमकी प्रतिनिधि सम्झना बर्ताैलाले अहिले यो शाखामा ६५ जना आश्रित रहेको जानकारी दिइन् ।