पोखरा ।
गुरु फिजिकल ट्रेनिङ सेन्टर प्रालिको आयोजनामा पोखरा ३२ को ब्रह्म रुपा माविमा १ हप्ते अंग रक्षासम्बन्धी तालिम तथा कानुनी चेतना कार्यक्रम भएको छ ।

पोखरा महानगरपालिका र पोखरा ३२ को सहयोगमा भएको तालिम समापन समारोहमा विद्यालय व्यवस्थापन समिति अध्यक्ष दुर्गालाल पण्डितले विद्यार्थीलाई लक्षित तालिममा सिकेको सीप व्यहारमा ल्याउन आग्रह गरे ।

वडा सदस्य शोभा विकले वडाका अन्य विद्यालयमा पनि अंगरक्षक र कानुनी सचेतना तालिम लैजानुपर्ने बताइन् । वडा सदस्य सावित्री पण्डित महिलाको क्षमता विकासमा तालिमले सहयोग पु¥याएको बताइन् ।

कार्यक्रममा धर्म बस्नेत, विद्यालयका प्रधानध्यापक जनार्दन सुवेदी, छात्रा डिम्पल विक, विजय नेपाली लगायतले बोलेका थिए । तालिममा करिब ५ सय विद्यार्थी सहभागी थिए । गुरु फिजिकल ट्रेनिङ सेन्टरका सञ्चालक सुरेश अधिकारीको अध्यक्षतामा कार्यक्रम भएको थियो ।