पाेखरा ।

पाेखरा महानगर पालिकाकाे वर्तमान नेतृत्वले निवर्तमान मेयरलाई वेवास्ता गरेकाे भन्दै नेकपा एमाले कास्कीका नेता कार्यकर्ताले दुख मनाउ गरेका छन् ।

पाेखराका चाेक चाेकमा हाइमास्ट लाइट राख्ने सम्झाैता गरेका निवर्तमान महानगर प्रमुख मानबहादुर जिसीलाई साे लाइटकाे राख्ने कार्यकाे शिलान्यास र उद्घाटन दुवैमा पाेखरा महानगर पालिकाकाे नेतृत्वले नसम्झेकाे भन्दै सामाजिक सञ्जालमा नेता कार्यकर्ताले प्रतिक्रिया लेखेका छन् ।

एमाले कास्कीका सचिव बैनबहादुर क्षेत्रीले फेसबुक स्टाटस पाेष्ट गर्दै उज्यालाे पाेखराकाे याेजनाकार तत्कालिन मेयर मानबहादुर जिसी हुन् भन्दै उनलाई वेवास्ता गरिएकाेमा आश्चर्य प्रकट गरेका छन् । उनले लेखेका छन्–

आज उज्यालो महानगर कार्यक्रमको उद्घाटन गरिएको भन्ने सुन्नमा आयो,यो कार्यक्रमको योजनाकार,बजेट छुट्टाएर योजना अगाडि बढाउने तत्कालीन मेयर मान बहादुर जिसीलाई सम्झियो कि नाई !

एमाले कास्कीका जिल्ला कार्य समिति सदस्य किशाेर बरालले फेसबुकबाटै निवर्तमान मेयर मानबहादुर जिसीलाई धन्यवाद भनेका छन् । उनले यसरी पाेष्ट गरेका छन् ।

# पोखरा उज्यालो बन्दैछ #

तत्कालीन मेयर साब मान बहादुर जि. सि ज्युको पालामा मिति २०७८ कार्तिक २९ गते पोखरा महानगर पालिका र टप्सन इनर्जी प्रा.लि बिच कुल रकम १२ करोड ७५ लाख ८९ हजार रकममा ५०% पोखरा महानगरले भुक्तान गर्ने सम्झौता भए बमोजिम रु. ५ करोड भुक्तान भैसकेको स्मार्ट लाइट सहितको हाइमस्ट लाईट जडान कर्य शुरु भएकोमा खुशी ब्यक्त गर्दै यो अभियानको शुरूवात गर्ने तत्कालीन मेयर मान बहादुर जि.सि ज्यु र कार्यन्यनमा लाग्नुहुने बर्तमान मेयर धनराज आचार्यज्यु धन्यवादका पात्र हुनुहुन्छ ।