पाेखरा ।

नेपाल शैक्षिक परामर्श संघ ECAN कास्किको ११ औ साधारण सभा तथा छैटौ अधिवेशन नयाँ कार्य समिति चयन गरेर सम्पन्न भएकाे छ । संघकाे अध्यक्षमा स्टडी लिंकका रमेश थापा निर्बाचित भएका छन् ।

शनिबार भएकाे अधिवेशनमा नयाँ कार्यसमितिका लागि निर्बाचन भएकाे थियाे । अध्यक्षमा थापासँग सन्दिप अर्यालले प्रतिस्पर्धा गरेका थिए । थापाले २२ मत पाएर विजयी हुँदा अर्यालले १५ मत पाएका थिए ।

संघकाे उपाध्यक्षमा धनबहादुर शाही र सन्ताेष विजयी भएका छन् । उपाध्यक्षमा सन्ताेष सहित ओमप्रकाश गैरे र युवराज पाैडेलले प्रतिस्पर्धा गरेका थिए । गैरे र पाैडेल पराजित भए ।

त्यस्तै सचिवमा कमल बराल निर्बाचित भएका छन् । हरि पराजुलीलाई पराजित गर्दै बराल निर्बाचित भएका हुन् भने काेषाध्यक्षमा गणेबहादुर कार्की विजयी भए । कार्कीले गणेशप्रसाद काेइरालालाई पराजित गरेका थिए ।

कार्य समिति सदस्यहरु भने निर्बिराेध निर्बाचित भएका छन् । कार्य समिति सदस्यहरुमा अनिल गौतम, बिश्व कल्याण अधिकारी, सुरेन्द्र बराल र रुद्र गिरी निर्बाचित भएका छन् ।