पोखरा ।
प्रदेश अधिवेशन आज (सोमबार) हुदैँछ । सोमबार ११ बजे बसेको सर्वदलिय बैठकले अधिवेशन दैनिक कार्यसूति तयार गरेको छ । प्रदेश सभाको काम कारवाहीलाई नियमित गर्नको लागि गण्डकी प्रदेश, प्रदेश सभानियमावली, २०७४ लाई स्वीकार गरी बैठक सञ्चालन गर्न सभामुखले प्रस्ताव प्रस्तुत गर्ने कार्यसूची रहेको उल्लेख गरेको छ ।

गण्डकी प्रदेश सरकारबाट जारी भएको ‘गण्डकी प्रदेशको निजामती सेवाको गठन, सञ्चालन र सेवाका शर्त सम्बन्धमा व्यवस्था गर्न बनेको अध्यादेश’ सभामा सम्बन्धित मन्त्रीले पेस गर्ने, गण्डकी प्रदेश सरकारबाट जारी भएको ‘स्थानीय सेवाको गठन, सञ्चालन र सेवाका शर्त सम्बन्धमा व्यवस्था गर्न बनेको अध्यादेश’ सभामा सम्बन्धित मन्त्रीले प्रस्ताव प्रस्तुत गर्ने कार्यसूची रहेको उल्लेख गरेको छ ।