पोखरा ।
गण्डकी प्रदेशका मुख्यमन्त्री खगराज अधिकारीले मुख्यमन्त्री भएकै दिन सोमबार साँझ शहिद परिवारसँग खाना खाएका छन् । अधिकारीले मादी गाउँपालिका १० का सहिद ऋषि सुवेदीको परिवारसँग उनीहरुकै घरमा गएर खाना खाएका हुन् ।

सुवेदीले पार्टीका लागि गरेको योगदान र सर्मपणको सम्मान गर्दै मुख्यमन्त्रीले खाना खाएको रुपागाउँपालिका अध्यक्ष नवराज ओझाले जानकारी दिए । गण्डकी प्रदेशको मुख्यमन्त्रीको जिम्मेवारीमा पुग्नु शहिदहरुको कारणले नै सम्भव भएको भन्दै शहिद परिवारसँग भेटघाट गरेको ओझाले बताए ।

ओझाका अनुसार मुख्यमन्त्री अधिकारीले खाना खाने समयमा शहिदको योगदानलाई बिर्सन नहुने, उचित सम्मान र पहिचान पाउनुपर्ने बताएका थिए ।

ऋषि सुवेदीको २०६४ सालको निर्वाचनको दिन हत्या भएको थियो । उनी निर्वाचनमा नेकपा एमालेका तर्फबाट मतदान केन्द्रमा एजेन्टका रुपमा खटिएका थिए । ऋषि सुवेदीको परिवार हाल पोखरा ११ फुलबारीमा बस्दै आएका छन् ।