पोखरा ।
गण्डकी प्रदेशका मुख्य न्यायाधिवक्ता रोहितराज बास्तोलाले राजीनामा दिएका छन् । नयाँ सरकार आएपछि मुख्य न्यायाधिवक्ताले राजीनामा दिने चलन छ । सोही अनुरुप बास्तोलाले पुस २५ गते राजीनामा दिएका हुन् ।

पूर्वमुख्यमन्त्री कृष्णचन्द्र पोखरेलको नेतृत्वको समयमा गत वर्ष असार १६ गते बास्तोला नियुक्त भएका थिए । मुख्य न्यायाधिवक्ता मुख्यमन्त्रीकाे कानुनी सल्लाहकार हुन्छ ।

पोखरा महानगरपालिका–११ का बास्तोला २५ वर्षदेखि पोखरामा कानून व्यवसाय क्षेत्रमा क्रियाशील छन् । उच्च अदालत बार एशोसिएसन पोखराका पूर्वअध्यक्ष रहेका उनी डेमोक्रेटिक लयर्स एशोसिएसन कास्कीका पनि पूर्वअध्यक्ष हुन् ।