पोखरा ।
गण्डकी प्रदेशका सभामुख कृष्ण धितालले प्रदेश प्रमुख पृथ्वीमान गुरुङबाट शपथ लिएका छन् । शनिबार दिउँसो ३ बजे सभामुखमा निर्वाचित भएसँगै बेलुका प्रदेश प्रमुख गुरुङबाट शपथ ग्रहण गरेका हुन् । शपथ ग्रहण समारोहमा मुख्यमन्त्री खगराज अधिकारी उपस्थिति भएका थिए ।

६० सदस्यीय गण्डकी प्रदेश सभामा धितालले ३२ सांसदका समर्थन सहित सभामुखमा निर्वाचित भएका हुन् । धिताललाई एमालेका २२, माओवादीका ८, राष्ट्रिय प्रजातन्त्र पार्टीका २ र स्वतन्त्र सांसद राजीव गुरुङ उर्फ दीपक मनाङेको मत पाएर सभामुखमा निर्वाचित भएका हुन् ।