पोखरा ।

यती एयरलाइन्सको आइतबार पोखरामा भएको जहाज दुर्घटनामा ज्यान गुमाएका पत्रकार त्रिभुवन पौडेलको शव खनाखत भएको छ । प्रेस सेन्टरको सचिवालय बैठकका लागि काठमाडौं गएका पौडेल आइतबार उक्त जहाजमा पोखरा आउँदै थिए ।

बिहान ११ बजे दुर्घटना भएकाे जहाजमा ७२ जना सवार थिए । तीमध्ये ६८ जनाको शव फेला परिसकेको छ । शवहरु पश्चिमाञ्चल क्षेत्रीय अस्पतालको पोस्टमार्टम कक्षमा राखेर सनाखतको प्रक्रियामा लगिएको थियो । पत्रकार पौडेलको पाइन्टमा वालेट र उनको परिचयपत्रसमेत भेटिएका आधारमा उनको शव पहिचान भएको हो ।

नेपाल पत्रकार महासंघका केन्द्रीय सदस्य पौडेल पोखरा हटलाइन दैनिकका सम्पादक हुन्। २० वर्षदेखि पत्रकारितामा क्रियाशील ३७ वर्षे पौडेलका श्रीमती र छोरा छन् ।