पोखरा ।
पोखरा ६ डिहीकोपाटनमा रहेको वड्स एकेडेमीमा बिहीबार पूजा–आराधना गरी भव्य रुपमा श्रीपञ्चमी मनाइएको छ ।

प्राचार्य प्रकाशराज वाग्लेका अनुसार विद्यालयमा बिहीबार बिहानदेखि पूजा–आराधना गरिएको छ । देवी सरस्वतीको स्वरुपमा सजिएर विद्यार्थीले विद्यालयमा पूजाआजा गरेका थिए ।

विद्यार्थीसहित विद्यालयका शिक्षक, अभिभावक पनि पूजामा सहभागी भएका थिए ।

यो दिन सरस्वतीको पूजा गरी विद्यारम्भ गरेमा सर्वसिद्धि प्राप्त हुन्छ भन्ने विश्वास रहेकाले अभिभावकले विद्यालय जान सक्ने उमेरका बालबालिकालाई शिक्षण संस्थामा लगेर अक्षरारम्भ गराएको वाग्ले बताउँछन् ।