पोखरा ।
पोखराको बाटुलेचौरमा रहेको विन्ध्यवासिनी माविमा जुनियरतर्फको स्पोर्टस मिट विभिन्न कार्यक्रम गरी सम्पन्न भएको छ ।

शिशु कक्षादेखि ५ सम्मका विद्यार्थीलाई लक्षित गरी आयोजना गरिएको स्पोर्टस मिटमा घैंटो फुटाउने, मिठाइ दौड, म्युजिकल चियर, बेलुन फुटाई, रिले दौड, स्याकरेस, इन आउट, चम्चा दौड, बेलुन डान्स, तातो आलु, फुटबल स्कोरर लगायतका कार्यक्रम भएको जुनियर सेक्सनका इन्चार्ज गोविन्द शर्माले बताए ।

२ दिनसम्म सञ्चालन गरिएको कार्यक्रममा अधिकांश विद्यार्थीले सहभागिता जनाएका थिए ।

उत्कृष्ट विद्यार्थीलाई विशेष कार्यक्रमकाबीच मेडल र प्रमाणपत्र वितरण गरिने कार्यक्रम संयोजक ज्ञानेन्द्र जैसीले बताए ।